Opisyal nang gibuksan ni Senate Blue Ribbon Committee Chairman Rodante Marcoleta, ang moto propio investigation sa kuwestiyonabli nga mga flood control projects sa gobyerno sa gikan sa tuig 2019 hangtud ning tuiga. Ginganlan ni Marcoleta ang maong imbestigasyon isip “Philippines Underwater” isip simbolo sa kahimtang sa nasud nga sagad mabahaan tungod sa mga kapakyasan sa proyekto.
Gitin-aw ni Marcoleta nga walay sagol kolor sa politika ang pagdungog ug gihangyo ang mga representante sa Department Budget and Management (DBM), Department of Public Works and Highways (DPWH), mga naglangkob sa 15 ka Philippine Contructors nga ginganlanan ni Presidente Ferdinand Marcos Jr.
Sa pagroll call sa mga resource person, pito ra ka resource person ang anaa sa hawanan sa senado. Gumikan niini, napugos si Senador Ronald Bato dela Rosa nga padad-an sa subpoena ang mga miliban.
