Napugos sa paglanding ang Condor Airlines Flight DE 3665 nga naggikan sa Corfu, Greece, human nagkalayo ug mibusikad ang makina niini samtang naglupad sa eri sa Brindisi, Italy.
Naputos sa kabalaka ang 273 ka sakay ug 8 ka crew sa Boeing 757 human nakasinati sa trubulence sa ilang paglupad sa gitas-on 36,000 ka tiil.
Misamot ang kayagaw sa mga pasahero dihang nakit-ang nagkalayo na ang tunga tunga nga bahin sa abyon, ug laing pagkalayo sa usa paku sa ilang sakyanan.
Subay sa report, usa ka pasahero ang naka-text sa iyang minahal sa kinabuhi sa “goodbye messages” tungod sa pagtuod nga magcrashlanding ang ilang sakyanan.
Hinoon, namani-obra’g tarong sa piloto ang eroplano ug luwas nga nag-emergency landing sa Italya.
Walay bisan usa sa mga pasahero ug crew ang samaran sa insidente.
