Giawhag ni kanhi PNP chief Gen Nicolas Torre III nga iwahing mga tawo nga nalooy sa iyang gidangatan ngadto sa mas tinud-anay nga nagkinahanglan sa pag-atiman.
Kini ang tipik sa iyang gipakatap nga mensahe pipila ka adlaw gikan sa pagtangtang ni Pres Bongbong Marcos kaniya sa puwesto.
Namahayag ang police general nga maayo ra ang iyang kahimtang ug dili angay kabalak-an.
Siya miingon nga kung adunay mahatagan sa ensaktong pag-atiman,kini ang katawhan nga sa pipila ka bahin sa nasud kanunay biktima ug nahasol sa kalamidad sama sa pagbaha.
Subli usab giklaro niini nga wala siya’y kasuko,kayugot ug pagmahay sa nakab-ot nga bug-at nga hukom ni Marcos diin kini gihulipan ni Lt Gen Jose Nartatez Jr sulod ning semanaha lamang.
Hisayrang tipik sa mga isyu nga nanggawas nga ang panagbangga tali ni Torre ingon man DILG Secretary Jonvic Remulla ug National Police Commission ang tipik sa rason sa pagpapha ni Marcos kaniya samtang adunay naglugwa usab nga gumikan sa iyang pagbalibad nga mamalit sa dugang bag-ong armas alang sa kapolisan sa nasud.
