Mipatik sa laing kasaysayan si Pope Leo XIV human niya permahe ang Rescript nga nag-awhag sa tanang ahensya sa Vatican nga aktibong mudawat ug muhatag sa trabaho sa mga taong adunay kapansanan.
Ang bag-ong regulasyon nag-ilis sa daang rekisito sama sa maayong panglawas o “physically fit” ug mudawat na sila sa mga aplikante nga “psycho-physically fit” sa trabaho.
Mismo ang Directorate of Health and Hygiene sa Vatican City State ang nagpa implementar niini.
Gipamugos sa Santo Papa nga ang kapansanan dili babag sa kaangayan sa trabaho, ug gimanduan ang tanang institusyon sa Holy See ug Governorate nga gikinahanglan magpatuman sa mga angay nga lakang aron masiguro ang patas nga oportunidad.
