Hinanok ang tulog ni Senador Rodante Marcoleta, human siya langkata isip Chairman sa Blue Ribbon Committee sa Senado.
Gihimo sa senador ang pahayag human siya gipangutana kung aduna ba kini kasilo o pagmahay sa iyang mga kauban human siya gihulipan ni Senador Panfilo Lacson isip chairman sa komite.
Miingon si Marcoleta nga masinugtanon siya sa balaod ug igo lang kini mituman sa kagustuhan sa mayorya.
Una niini, walay komento ang senador sa nadungog nga adunay kudeta nga mahitabo karong hapon sa senado.
Gitin-aw niini nga dili siya tsismoso ug gitultukan ang espekulasyon.
