“TAMA NA, SOBRA NA! IKULONG NA!” – kini ang nagkahiusang pahayag sa nagkalain-lain nga grupo nga mulangkob sa lapad nga lihok protesta sa Setyembre 21, takdo sa adlaw nga gideklarar ni kanhi Presidente Ferdinand Marcos Sr ang Martial Law sa Pilipinas.
Sa maong adlaw, mutakdo ang ika-53 ka tuig sa pagdumdum sa labing dulom nga mga katuigan sa Pilipinas kundiin ang nasud, gihawiran sa usa ka diktador sulod sa kapin usa ka dekada.
Ang lihok protesta sugdan sa alas-2 sa hapon sa People Power Monument sa EDSA.
Miabiso ang grupo sa tanan musalmot sa martsa protesta nga maghikot sa
puti nga laso isip timaan sa ilang panaghiusa ug paglaum.
Ang tema sa kalihukan mao ang:
“Tama na, sobra na! Ikulong na!”
Tumong sa protesta ang pagpadayag sa
kasuko sa katawhan batok sa lapad nga anomalya sa pagpangurakot sa pondo sa flood control sa DPWH.
