Gikumpirma sa Department of Public Works and Hightways (DPWH) nga gikibhangan sa 255 bilyon pesos ang ilang gisugyot nga budget para sa tuig 2026.
Mahinumduman nga mubalor sa ₱881.3 bilyon ang gisugyot ni DPWH Sec Vince Dizon, apan sa pagkakaron, anaa lang kini sa ₱625.8 bilyon.
Ang dakong bahin sa pagkunhod mao ang pagtangtang sa pondo alang sa mga locally-funded flood control projects human sa mga nadiskubre nga ghost projects ug doble nga pondo sa pipila ka lugar.
Girekomenda ni Secretary Dizon nga ire-allocate ang maong pondo ngadto sa mga sektor sama sa agrikultura, edukasyon, panglawas, ug social welfare.
Gitun-an karon sa House Committee on Appropriations ang revised budget aron masiguro nga ang pondo gamiton sa mga proyekto nga mas makahatag og benepisyo sa katawhan.
