Kumbinsido ang grupong Peoples Promotion of Church Response (PCPR) – Northern Mindanao nga angay nga mapapahawa sa posisyon si Presidente Ferdinand Marcos Jr. tungod sa ilang pagtuo nga wala niya natuman ang iyang responsibilidad isip lider sa nasud.
Kini ang pamahayag ni Father Jefferson Palasan sa Iglesia Filipina Independiente (IFI), nga mao usab ang tigpamaba sa PCPR, sa usa ka eksklusibong interbyu sa BOMBO RADYO.
Matod ni Fr. Palasan, kung gusto pa ni Marcos nga saligan sa katawhan, kinahanglan niya nga ipapriso ang tanang nakasala ug dili lang kutob sa pag-imbestigar, pagpapa-resign, o pagsaka sa kaso. Dugtong niini, dili usab gusto sa PCPR nga si Vice President Sara Duterte ang hulip sa posisyon ni Presidente Marcos kung siya makahukom nga mukanaug sa puwesto.
Alang sa grupo, notado ang Office of the Vice President (OVP) sa paggamit sa mga peke nga ngalan aron makapangurakot hinungdan nga na-impeach kini sa Kamabaha niadtong Pebrero 2025.
