Credibilidad sa mga protected witness sa DOJ, kuwestiyonabli

Mi-aksyo'g kabalaka si Ben Tui Contreras, usa ka anti-war advocate, kabahin sa kredibilidad sa mga whistleblowers nga nalambigit sa imbestigasyon sa korapsyon ug flood control scandal sa nasud. 

Matod pa ni Contreras, dako ang ilang pagduhaduha nga pwede mausab ang dagan sa imbestigasyon human sa bag-ohay nga hearing sa Senate Blue Ribbon Committee, diin na-obserbahan ang kadudahang lihok ni DOJ Secretary Jesus Crispin Boying Remulla. 

Dugang pa niini nga ang pagdala sa Department of Justice sa usa ka state witness,  posibleng magresulta sa kausaban sa mga affidavit.

 Alang kang Contreras, nagapakita kini nga adunay gitaguan nga mga impormasyon ang mga resource person ug posible kining ma-manipular samtang nagdagan ang proseso.