“Guilty” sa kasong money laundering ang gibansagan nga “PDAF QUEEN” nga si Janet Napoles.
Gipagawas sa Pasig City Regional Trial Court Branch 158 ang hukom, kagahapon, Oktubre 2025, sa 13 ka kaso sa money laundering kalabot sa Pork Barrel Scam.
Tungod sa gipakanaug nga desisyon, atubangon ni Napoles ang pito hangtod 14 ka tuig kada kaso, o kapin 91 hangtud 182 ka tuig sulod sa prisohan.
Segun sa Anti-Money Laundering Council (AMLC), gipamultahan usab kini’g 94.15 milyon pesos, apan kini mahimo pang i-apelar.
Mahinumduman nga niadtong 2024, gihukman na usab si Napoles sa Manila RTC Branch 24 sa susamang silot nga pito hangtod 14 ka tuig nga pagkabilanggo ug 16 milyon pesos nga multa, gumikan sa paghimo sa bugos nga NGO aron magamit ang Priority Development Assistance Fund (PDAF) alang sa iyang plano nga mga ghost projects.
Tungod sa silot nga gipakang sa korte, sigurado nga mamatay sulod sa prisohan si Napoles.
