Tinood nga reporma ug sihag nga pagbahin-bahin sa National Budget ang gikinahanglan sa Pilipinas, aron dili masakyan sa mga kurakot nga pulitiko.
Kini ang sugyot ni Atty. Oscar Moreno, kanhi Mayor ning syudad.
Sa pakighinabi sa BOMBO RADYO, mi-angkon si Moreno nga layo pa kaayo kab-oton ang hustisya kay buhi pa ang mga taktika sama sa budget insertions, nga mahimong kapasikaran sa pagpamulsa sa salapi sa gobyerno, gamit ang mga ghost projects o pagpangayog kickbacks!
Hinoon, milaum si Moreno, nga sa nahibiling mga tuig sa termino ni Presidente Bongbong Marcos, adunay mapasakahan sa kaso, ma-implementar ang kabag-uhan ug pamatud-an ang iyang patas nga pagtratar sa mga tawong nalambigit sa corruption scandal sa DPWH.
Una niini, nabalaka ang publiko nga musangko sa kahilom ang senado ug kamarabaha kay ig-agaw sa presidente ang giakusahan sa utok sa dagkung budget insertions sa kamarabaha kuyog ang pipila ka mga senador nga dool sa dughan sa presidente.
