Gi-panawagan sa Teachers Dignity Coalition nga hatagan ug tukmang pagtagad sa gobyerno ang Expanded Career Progression (RA 12288) sa pagsaulog sa Adlaw sa mga Magtutudlo sa nasud.
Matod ni Augustus Caesar Guarin, sa Teachers Dignity Coalition (TCD) nga gubot ug lisod ang implementasyon sa balaod, ug unta tumong ang paghatag sa klaro ug patas nga oportunidad para sa career growth sa mga magtutudlo.
Apan ang nahitabo, sumala ni Guarin, daghan kaayo’g requirements ang gikinahanglan isumiter sa usa ka magtutudlo aron mahimong kwalipikado ug makabenepisyo sa maong programa.
Namugos si Guarin nga importante ang ECP tungod kay adunay kalabotan kini sa promotion sa mga magtutudlo, apan wala kini hatagi og saktong pagtutok.
Dugang pa niini, ang balaod nahimong dugang gasto ug trabaho para sa mga magtutudlo imbes nga tabang.
