“Remulla, nagsumikad sa political clan busa lisud tuhuan sa katawhan”

Mi-angkon si Atty. Eddie Cuaresma, kanhi Chapter President sa CDO-MisOr Integrated Bar of the Philippines (IBP) nga dili siya panatiko  ni Justice Secretary Jesus Crispin “Boying” Remulla, nga sa pagkakaron,  gitudlo isip "incoming" Ombudsman sa Pilipinas. 

Sa interbyu sa BOMBO RADYO mi-prangka si Cuaresma nga posibleng dili gihapon masaligan si Remulla sa publiko, kay nagsumikad man siya sa  political clan. 

Isip neutral observer, iyang gihangyo si Remulla nga himoong patas nga pagtan-aw ang tanang nalambigit sa kaso sa korapsyon. 

Naglaum ang abogado ug kasamtangang propeso sa balaaod nga sa bag-ong katungdanan ni Remulla, mapatuman ang tinuoray nga pagpanalipod sa interes sa katawhan ug mapasig-uli ang integridad ug kalimpyo sa serbisyo publiko.