Gikondenar sa gobyerno sa Colombia ang pag-atake nga nasinati ni Presidente Daniel Noboa sa Ecuador.
Nahitabo ang insidente dihang mihimog motorcade taliwala sa nagkadaghang protesta batok sa desisyon sa gobyerno nga wagtangon ang subsidiya sa diesel.
Samtang milabay ang convoy, gilabaya’g mga bato sa mga residente ang mga sakyanan.
Makita sa mga nangatake nga sibilyan ang kataas nga kasuko batok sa mga palisiya sa gobyerno nga naglakip sa pagtangtang sa fuel subsidy ug pagtaas sa VAT gikan sa 12% ngadto sa 15%.
Ang insidente miresulta sa pagsikop sa lima ka tawo.
Terorismo, ug attempted murder ang girekomendar nga kaso sa mga dinakpan sumala sa Prosecutor’s Office .
