Gipabakwit sa Philippine Institute of Volcanology and Seismology (Phivolcs) ang katawhan nga namuyo sa mga babayon nga sakop sa Davao Oriental Province.
Kini human giisa sa ahensiya ang tsunami warning epekto sa magnitude 7.6 magnitude nga linog nga miigo ang epicenter sa lungsod sa Manay kaganihang alas 9:43 sa buntag.
Matud ni Phivolcs Director Teresito Bacolcol nga tectonic in origin ang maong linog ug mabaw-an lang ang tinubdan niini rason nga giisa ang tsunami warning.
Sa pagkutlo ning balita,wala pa’y gilugwa nga impormasyon ang mga otoridad kung adunay mga tawo nga namatay o naangol sa kusog nga linog.
Gi-monitor sa mga otoridad ang aftershocks sa linog ug ang paglihok sa kadagatan.
Kini nga kakusog nga linog ang nabatian usab sa katawhan sa Indonesia nga dili layo sa distansya sa Pilipinas.
Dumduman nga dinhi sa Cagayan de Oro, napugos pagpanggawas ang kadaghang katawhan sa pipila ka establesemiento ug government offices epekto sa itensity 4 nga miigo gumikan sa 7.6 magnitude nga linog sa Manay,Davao Oriental.
