Mipadangat sa pahisubo si Vice President Sara Duterte sa tanan namatay ug apektadong pamilya sa kusog nga linog sa Davao Region.
Gihimo sa bise presidente ang pahayag human siya mismo ang nangunay sa pagsusi sa mga namatyan, ug mga nangagubang gambalay ug balay sa managlahing dapit sa Davao.
Iyang gi-awhag ang mga residente nga andamon kanunay ang kaugalingon ug magbaton sa “presence of mind” aron paspas makalingkawas kung adunay nga kalamidad nga mu-abot sama sa linog.
Hisayran nga misaka pa sa 7 ang patay sa 7.6 magnitude nga linog sa Manay, Davao Oriental.
