Masaligon si Barangay San Simon Chairman Fernando Edrolin nga sila mahatagan sa maayong dalan gikan sa ilang mga kaumahan, padulong sa merkado sa sentrong bahin sa syudad.
Gihimo ni Edrolin ang pahayag human mabutyag nga dili lamang flood control projects ang gituuhang adunay anomalya apan lakip usab ang mga Farm-to-Market Road (FMR) nga proyekto ubos sa Department of Agriculture.
Taliwala sa kontrobersiya, nagpabiling positibo si Edrolin nga makabenepisyo ang ilang barangay sa FMR Project kay usa kini sa labing gikinahanglan sa ilang mga mag-uuma.
Una niini, nakakitag paglaum ang kapitan pinaagi sa negatibong balita kay natuki na ang usa sa ilang panginahanglan, ug naglaum nga madunggan ang ilang petisyon sa Department of Agriculture Region 10 nga sila usab angayan nga natukuran sa Farm-to-Market Roads, aron muminos ang kalbaryo sa mag-uuma sa pagkanaug sa mga utanon, ug uban pang produkto sa bukid padulong sa syudad.
