Gipamatud-an sa Police Regional Office 10 nga adunay mga persons of interest nga giimbestigahan kalabot sa pagpatay sa ex-NIA legal researcher – Niruh Kyle Antatico sa Brgy Patag, ning syudad.
Si Brigadier General Christopher Abrahano miingon nga adunay hulga sa kinabuhi sa biktima sukad pa sa miaging tuig ug ilang gitan-aw ang tanang anggulo sa kaso.
Lakip sa mga giila nga persons of interest mao ang mga tawo nga posibleng adunay dakong papel sa insidente, gawas pa sa mga gun-for-hire nga mipusil kang Antatico samtang nagmaneho sa iyang sakyanan sa maong lugar.
Gisalig sa PRO 10 nga masulbad ang krimen sa labing madali nga panahon samtang nagpadayon ang ilang follow-up investigation.
