Gipasa na sa Department of Justice (DOJ) ngadto sa Office of the Ombudsman ang lima ka investigation reports kalabot sa giingong ghost flood control projects sa Bulacan.
Subay sa ebidensya nga nakolekta sa National Bureau of Investigation (NBI), gi-rekomendar nga kasuhan ang pipila ka kanhi opisyal sa Department of Public Works and Highways (DPWH) ug mga kontratista nga nalambigit sa kuwestiyonabli nga mga proyekto.
Ang mga kaso naglakip sa malversation, falsification, perjury, ug paglapas sa Anti-Graft and Corrupt Practices Act.
Lakip sa gikasuhan si Sally Santos, ang nanag-iya sa Syms Construction Company nga mi-angkon nga nagpahulam sa iyang lisensya aron mapalabang ang unom ka kalag nga flood control projects sa Bulacan, ug nakadawat sa 931-milyon pesos nga pondo.
