Naglandfall na ang bagyong Ramil sa Gubat, Sorsogon, alas 4:10 sa hapon karong Sabado, Oktubre 18, 2025.
Kini nagdala sa kusog nga hangin nga muabot sa 65 kph ug kusog nga pagrumbo nga moabot sa 90 kph samtang hinay nga nagalihok pa-kasadpan.
Gibutang sa Signal No. 2 ang mga lugar sama sa southeastern Isabela, southern Quirino, southern Nueva Vizcaya, central ug northern Aurora, Polillo Islands, Camarines Norte, Catanduanes, northern ug eastern Camarines Sur, eastern Albay, northeastern Sorsogon, ug northern Northern Samar.
Gibanabana nga molatas ang bagyo sa yuta o baybayon sa Bicol Region hangtod sa sayong kabuntagon sa Domingo, ug mulabay duol o ibabaw sa Polillo Islands sa buntag, ayha muigo sa Aurora sa udto o hapon.
Gilauman nga mugawas kini sa West Philippine Sea sa Domingo sa gabii ug posibleng mogawas sa Philippine Area of Responsibility sa Lunes sa buntag, Oktubre 20.
