Gitay-og sa magnitude 5.6 Surigao del Sur, bandang 8:31 sa gabie.
Sumala sa Philippine Institute of Volcanology and Seismology (PHIVOLCS-DOST) ang episentro sa linog natala sa 23 kilometros habagatan-sidlakan sa Cagwait, Surigao del Sur.
Aduna kini gilawomon nga 20 kilometros.
Nabati ang Intensity IV sa dakbayan sa Bislig, samtang Intensity I sa Dakbayan sa Davao.
Base sa instrumental nga sukod, Intensity III ang naobserbahan sa mga lugar sa Cabadbaran (Agusan del Norte), Digos (Davao del Sur), Nabunturan (Davao de Oro), ug sa mga dakbayan sa Bislig ug Tandag (Surigao del Sur).
Kini nga linog giila nga aftershock sa mas kusog nga 6.0 magnitude niadtong Oktubre 11, 2025.
Human milabay ang kapin 30 minutos sa pag-igo sa 5.6 magnitude, laing 3.1 ug 3.3 magnutide ang sagunson nga bati sa susamang dapiy.
