Wala isalikway sa Philippine Institute of Volcanology and Seismology o Phivolc Region 10 nga nagsilbing “generator” sa daghang mga linog ang nahitabo sa Bogo City Cebu, Baguio City ug Manay, Davao Oriental.
Sa pakighinabi sa BOMBO RADYO kang Raineir Amilbahar, officer -in charge sa ahensya, siya miingon nga kinahanglan magmatngon ang katawhan kay dili ti-aw ang sinyales sa managsunod nga linog sa Luzon, Visayas ug bisan dinhi sa Mindanao.
Gibutyag ni Amilbahar nga ang mga nag-unang linog sama sa 6.9 magnitude sa Bogo City ug 7.6 magnitude sa Manay posibleng nag-generate sa ubang paglihok sa kayutaan ilawom sa Pilipinas kay aktibo man ang Philippine Trench.
Ang Philippine Trench usa ka oceanic trench o lawom nga lungag sa ilawom sa dagat nga nahimutang sa sidlakang bahin sa Pilipinas, gikan sa Bicol sa Luzon paingon sa Mindanao.
Sa tibook kalibutan, kini ang gideklarar sa mga eksperto nga pinakalawom nga parte sa kadagatan nga namugna tungod sa subduction zone.
Ang subduction zone usa ka geological nga proseso diin ang tectonic plate o bloke sa yuta, mosulod ilawom o laing parte sa yuta. Delikado kung magsagunson ang paglihok sa trench kay kasagaran labaw pa sa magnitude 7.0 ang mahatag nga kadaut niini sa kayutaan.
