Gikuwestiyon ni Atty. Arvin Dexter M. Lopez, tigpamaba sa Union Peoples Lawyers in Mindanao, ang kakulang sa manpower ug transparency sa Independent Commission on Infrastructure nga nag-imbestigar sa flood control scandal sa nasud.
Bisan pa nga gilauman ni Lopez nga kwalipikado ang mga personalidad nga gilangkob sa komisyon, sama nila Retired Associate Justice Andres Bernal Reyes Jr., isip chairperson, ug mga miyembro nga sila Rogelio “Babes” Singson, Rossana Fajardo, ug Retired Gen. Rodolfo Azurin Jr., iyang gipunting nga limitado ra gihapon ang gahum niini kung kulang sa tawo ug klarong proseso.
Alang kaniya, ang kombinasyon sa kakulang sa manpower ug walay klarong transparesiya sa imbestigasyon maoy nagpalig-on sa mga duda sa katawhan sa posibleng resulta sa imbestigasyon ubos sa komisyon.-
