Alarming alang sa Philippine Drug Enforcement Agency [PDEA] Misamis Oriental ang pagkasikop sa usa ka drug suspek nga gitoohang miyembro sa dakung sindikato sa drug smuggling sa Asya.
Kagahapon, malampusong nasanta sa operatiba sa PDEA kuyog ang kapulisan ang usa ka kilo nga shabu nga gisulod sa Chinese tea bags, gikan sa 26 anyos nga miyembro sa Barangay Peacekeeping Action Team o BPAT sa Maguing Lanao del Norte.
Nahitabo ang drug buybust operation duol sa dakung mall sa Brgy 35, ning syudad.
Miingon si Agent Expedito Cardona, provincial officer sa PDEA highgrade kini nga klase sa shabu ug gibana-bana nga naggikan pa sa Myanmar.
Ang street value sa narekober nga druga mapalit sa 6.8 milyon pesos pataas.
Hisayran nga dili na kini bag-o nga istilo sa drug smuggling, ingon ni Cardona, kay kini man ang kasagarang gamiton sa mga sindikato sa “sea side smuggling”.
