Nangandam na ang Cagayan de Oro City Police Office [COCPO] sa umalabot Kalag-kalag.
Gibutyag ni COCPO spokesperson Police Captain Emilita Simon, nga kasamtangang gihan-ay ang security plan ubos sa ilang kampanya nga “Ligtas Undas 2025”.
Subay sa mando ni City Director Police Colonel Gerardo Ulanday. ipatuman sa kapulisan ang pinakahugot nga seguridad sa pagtamod sa Adlaw sa mga Santos ug Kalag.
Wala pay petsa kung kanus-a ipaubos sa COCPO ang tibook syudad sa Heightened Alert Status.
Sama sa gilauman, kasagaran maghugot seguridad ang COCPO sa Oktobre kutob Nobyembr 7.
Lakip sa mga sukdanan nga ipatuman ang pagdili sa overnight stay subay ordinansa sa syudad, paglikay sa pagsaba saba sulod sa menteryo, ug ang prohibisyon o pagbawal sa pagdala sa mga mahait nga hinagiban, armas, ug makahubog nga ilimnon sulod sa menteryo.
