CAGAYAN DE ORO CITY –Pasado sa grading 7 ang city govt kabahin sa pag-atiman sa kahimtang sa mga basura nga gipahiluna sa engineered sanitary landfill sa Brgy Pagalungan ning syudad.
Kini human susiha mismo ni EMB 10 regional director Reynaldo Digamo ingon man City Mayor Klarex Uy ang aktuwal nga kahimtang sa landfill nga napahamtangan sa show cause order epekto sa pipila ka kasupakan sa balaod kabahin sa proteksyon sa kinaiyahan.
Namahayag si Digamo nga sa iyang nasaksihan,adunay napatuman nga kausaban ug gihagit ang syudad nga mamintinar aron kalikayan nga mohatag sa negatibong epekto sa kinaiyahan.
Hisayrang mi-resulta pa sa kabag-uhan sa liderato sa CLENRO ang isyu sa basura sa syudad ug gipaubos sa proseso sa kanselasyon sa kontrata tali city govt ug kompanyang Jomara kay daghan ang kalapasan sa balaod-kinaiyahan.
