Gipasalig sa Police Regional Office 10 nga mahatag ang hustisya ngadto sa pamilya sa pagpusil-patay kang kanhi NIA 10 worker Niruh Kyle Antatico nga taga-Brgy Iponan ning syudad.
Miingon si PRO 10 regional director Brig Gen Christopher Abrahano nga natumbok na nila ang daghang persons of interest sa kremin ug kini ang padayon nga gi-trabaho sa Special Investigation Task Force Antatico kuyog ang koordinasyon sa nagkadaiyang law enforcement agencies alang sa dinaliang sulbad sa kremin.
Kabahin sa gitutukan sa SITG ang koneksyon sa kanhi trabaho ni Antatico diin siya unang mibulgar sa pipila ka giingong mga kahiwian sa mga proyekto nga gipatuman sulod sa NIA 10.
