Gikumpirma mismo sa Philippine Army ang insidente nga nahitabo sa lungsod sa Tipo-Tipo sa Basilan nga may kalabotan sa gikasangko nga panagbangi tali sa duha ka mga kumander sa Moro Islamic Liberation Front (MILF).
Sa usa ka pamahayag ni Philippine Army Spokesperson Col. Louie Dema-ala, padayon pa ang beripikasyon sa ubang detalye sa insidente ug nagkahiusa na sila sa mga angay nga yunit aron makompleto ang ulat.
Gisiguro usab ni Dema-ala sa publiko nga gibantayan na sa ilang mga tropa ang kahimtang sa Basilan, diin nagpadala na sila og mga tauhan aron mapadayon ang seguridad ug kalinaw sa maong lugar.
