Gibana-bana nga muabot sa 30 ka balay ang nasunog sa Dabatian, Matilde, ug Neri Streets sa Barangay Carmen, ning syudad.
Namahayag si Senior Fire Inspector Kyle Bryan Lauzon, Operations Chief sa CDO Fire District nga nagsugod ang kalayo sa Castillore Residences, nga nahimutang daplin sa dalan, bandang alas 8:30 sa gabie, kagabie.
Namugos si Inspector Lauzon nga paspas ang pagkaylap sa kalayo kay gama ra sa “light materials” o mga kahoy ang nasunog nga mga puy-anan.
Gihimakak sa BFP nga nagkalisud sila sa pagpalong kalayo tungod kay dili na nila maapas pagsalbar ang nagdikit nga mga puy-anan sa maong dapit.
Gisaka pa sa ika-upat nga alarma ang sunog ug napalong pagka alas-9:39 sa gabie.
Wala pay matumbok nga hinungdan kung nganong miulbo ang kalayo.
Gibana-bana sa P300,000 ang straktural nga damyos.
Gipasilong una sa barangay gym ang mga nasunugan.
Sa pikas bahin, mihatag usab sa inisyal nga ihap sa mga nasunugan si Brgy Carmen Kapitan Kikang Uy.
Miingon si Uy nga anaa sa 10 ka balay ang naugdaw sa sunog.
