GIPAKUSGAN sa Department of Environment and Natural Resources Environmental Management Bureau (DENR-EMB) Region 10 ang panawagan sa mga opisyal sa barangay ug komunidad nga ipatuman ang istriktong “waste segregation at source” ug “segregated waste collection” pinasubay sa Republic Act 9003 o Ecological Solid Waste Management Act of 2000.
Tumong niini nga makab-ot ug mapadayon ang kalimpyo sa dakbayan.
Sa milabay nga press conference, namahayag si Regional Director Reynaldo Digamo nga iyang hatagan lamang sa 7 sa 10 ka puntos ang waste management sa syudad.
Indikasyon kini nga adunay pa’y dakong luna aron matarong ang waste segregation system sa syudad.
Gipasabot usab ni Digamo nga dako’g kaakohan ang taga barangay ug residente sa pagsulbad sa problema sa basura, ilabi na nga gibuhat na sa syudad, pinaagi sa City Local Environment and Natural Resources Office (CLENRO), Task Force Basura, ug Standard Systems Water and Waste Water Technologies, ang paghakot sa mga nagdapun-og nga basura.
Contributor: James Oliver
