Activated 24-7 nga ipatuman nga maximum police visibility sa tibook Northern Mindanao.
Kini ang gipanigurado ni Police Brigadier General Christopher Abrahano, acting Regional Director sa Police Regional Office 10.
Tumong sa pagpabaha sa pagpatrolya sa kapulisan ang pagsanta sa mga petty crimes nga sagad sakyan sa mga small time kawatan ug uban pang balahiboong kamot.
Ang maximum deployment sa mga sam-ang, dagkung malls, pantalan, tugpahanan, mga dalan, ug sagad bisitahan panahon sa kalag-kalag gisugdan sa managlahing probinsya ug syudad niadtong Oktobre 29.
Kini nagpasabot nga ang mga pulis mupatuman sa ilang tukmang shifting aron walay luna nga makalusot ang mga dautang elemento sa pagbalaan sa adlaw sa Santos ug Kalag. Dul-an 2000 ka pulis ang napakatag sukad adlaw’ng Miyerkules.
