Nagpadumdum si Reverend Father Randy Purcia sa Oblates of Mary Immaculate sa Diocesan Shrine and Parish of Our Lady of Grace, Caloocan City nga ang adlaw sa mga Santos, dili lamang limitado sa pagdumdum ug pagselebrar sa ilang pagkabanal, apan lakip na sa mga tawo nga buhi pa sa kalibutan, apan, misubay sa ebanghelyo ug gipuy-an ang kinabuhi sama sa mga Santos ug mapaubsanong sumusunod ni Hesu Kristo.
Gi-awhag sa pari ang tanan katawhan nga ipadayon ang paghigugma sa matag usa, ipatigbabaw ang panaghiusa ug isalikway ang dautang buhat sa pipila ka mga tawo nga wala mahigugma sa Diyos.
Alang kang Fr Purcia, importante ang paghinulsol sa mga sala sa mga tawong gusto pa magbag-o ug puy-an ang kinabuhi sama sa kaagi sa mga Santos.
