Gikompirmar sa Malacañan Palace nga mupadulong na sa probinsya sa Cebu si Presidente Ferdinand Marcos Jr.
Sa press briefing, miingon si Palace Press Officer Attt Claire Castro nga ipahibalo ra nila sa publiko ang eskedyul sa pangulo.
Tumong sa iyang pagbalik sa Cebu mao ang pagsuta sa kahimtang sa mga biktima sa Bagyong Tino.
Namahayag si Atty. Castro nga mipakanaug sa mando-direktiba ang presidente sa tanang ahensya sa gobyerno aron mapadali sa paghatud sa tabang-ayuda sa mga lugar nga grabe naapektuhan sa bagyo.
Posibleng bisitahon ni Marcos ang Cebu, Aklan ug pipilang bahin sa Eastern Visayas.
Ang Department of Health (DOH) nag-apod-apod na sa medical assistance sama sa mg tambal, limpyo nga tubig, hygiene kits, ug mga container sa tubig
Si Presidente Marcos misugo usab sa imbestigasyon sa mga proyekto sa flood control sa Cebu human sa dakong pagbaha nga miresulta sa pagkamatay sa labing menos 28 ka tawo.
Bantay sarado sa mga ahensya sa kahimtang sa mga residente ug naghatag sa medikal nga serbisyo samtang nagpadayon ang rehabilitasyon.
