Anaa na sa 88 hangtod 90 porsyento ang progreso sa gihimong rehabilitasyon sa City Memorial Park sa Sitio Bolonsori, Brgy. Camama-an ning syudad.
Gibutyag ni Kevin Castilla, acting Division Chief sa City Memorial Park nga kini nakabase sa inisyal nga datos gikan sa kontraktor nga nagdumala sa pagpaayo sa maong sementeryo.
Kasamtangang work in progress pa ang nabiling 20% sa development, lakip na ang flooring ug mga nitso nga wala pa hingpit nga makumpleto. Dugang ni Castilla, base sa kasabutan sa proyekto ang mga bag-ong lubogn o “fresh bodies” sa mga nitso hatagan ug 10 ka tuig nga pagpahulay sa ilang kasamtangang lubnganan.
Gipasabot niini, ibalhin kini sa mga kolumbaryo diin hatagan pag-usab ug dugang 10 ka tuig ayha kini ibutang sa katapusang pahulayan nga gitawag og bone ossuary — ang pinakahuling dapit sa paghipos sa mga bukog human ma-expire ang ilang lubnganan.
