Misaka pa sa 111 ka tawo ang nadeklarar nga patay tungod sa Bagyong Tino sa probinsya sa Cebu.
Subay kini sa datos nga gipagawas sa Cebu Provincial Disaster Risk Reduction and Management Council (PDRRMC).
Ang maong ihap gikan sa nagkalain-laing lokal nga panggamhanan sa probinsya ug naitala niadtong alas 7:20 sa gabii sa Nobyembre 5.
Lakip sa mga lugar nga adunay kaswalti mao ang Cebu City – 12, Asturias – 2, Balamban – 6, Bantayan – 1, Compostela – 25, Consolacion – 1, Danao – 9, Liloan – 35, Mandaue – 12, Talisay – 7, ug Tabogon – 1.
Ang report gikan lamang sa Cebu Provincial Office ug wala pa kini pormal nga na-apil sa kinatibuk-ang ihap nga gi-monitor sa Office of Civil Defense
