Mipanaw na sa laing kalibutan si NBA legend Lenny Wilkens sa edad 88 anyos. Naila si Wilkens isip bangiitang point guard sulod sa 15 ka tuig niyang karera isip player.
Subay sa kasaysayan sa NBA, siyam ka higayon nahimong NBA All-Star si Wilkens ayha nahimong coach. Mas misikat ang iyang ngalan dihang nagsilbe kining player-coach sa upat ka seasons.
Ang tolo niini, pinaagi sa Seattle SuperSonics ug ang usa, sa Portland Trail Blazers sa wala nahimong full time coach. Hisayran nga siya lamang ang mitimon sa SuperSonic sa bugtong nilang NBA title niadtong 1979.
Misulod usab kini sa Trail Blazers, Cleveland Cavaliers, Atlanta Hawks, Toronto Raptors ug New York Knicks isip ilang coach hangtud nga siya nagretiro sa 2005.
Sa kinatibuk-an, mihawid ang nasampit nga NBA sa rekord nga 2,487 ka duwa. Ikatulo siyang labing daugan nga coach sa kasaysayan sa NBA sunod nilang Gregg Popovich ug Don Nelson.
Napatik usab ang iyang pagsilbing winning olympic coach sa team USA niadtong 1996. Ikalima siyang gibayaw sa Hall of Fame isip player ug coach sunod nilang John Wooden, Bill Sharman, Tom Heinsohn ug Bill Russell.
