Mas maayong masabtan sa mga kabatan-unan ang ilang katungod, ilabe nga ang bag-ong henerasyon maoy paglaum sa nasud.
Kini ang gibutyag ni Arceli Brigole kay alang kaniya managlahi ang batasan sa mga kabatan-unan sa pagkakaron.
Adunay mga batan-ong gapakabana sa kumunidad, ug adunay usab walay kasayuran sa krisis nga gi-atubang sa nasud.
Alang kaniya, daku ang tahas sa mga ginikanan sa pagmatuto sa mga anak aron masabtan nila ang ilang papel kung anaa na sila sa hustong edad.
Tahas usab sa mga ginikanan nga protektahan ang mga bata aron masabtan nila kung unsa ka mahinungdanon ang proteksyon sa pamilya padulong sa pagprotihir sa nasud.
