Patay ang usa ka hepe sa Investigation and Detective Management Section sa North Caloocan Police nga si Police Captain Ronnie Sarto sa gabii sa Nobyembre 10, 2025, human siya giingong mitulis sa Alfa Mart convenience store sa Marilao, Bulacan ug nakigpinusilay sa mga mirespondeng kapulisan.
Matod ni Police Regional Office 3 Director PBGen. Ponce Rogelio Peñones Jr., si Sarto nakakuha sa ₱20,000 ug misulay sa pagdagan sakay sa motorsiklo paingon sa Barangay Loma de Gato, diin nahitabo ang engkwentro sa mga pulis ug siya naigo sa bala.
Nadala pa ang suspek sa tambalanan apan gideklarar nga patay pag-abot.
Viral na sa social media ang iyang video sa aktong papanulis ug ang insidente nakapukaw sa kabalaka ug pagpangutana sa publiko bahin sa pamatasan ug internal nga responsibilidad sa kapulisan.
