Gipamatud-an BOMBO RADYO PHILIPPINES ang walay makatupong nga dedikasyon sa serbisyo publiko pinaagi sa makasaysayanong Dugong Bombo, nga dungan nga gipahigayon sa 25 ka dagkong lokasyon sa tibuok Pilipinas niadtong Nobyembre 15, 2025, pinaagi sa 32 ka fully digitalized nga Bombo Radyo ug Star FM stations.
Wala pay laing organisasyon sa nasud ang makalabaw sa Bombo Radyo sa pag-organisar sa pinakadako ug labing epektibong usa ka adlaw nga blood donation drive. Karong tuiga, nakatigom ang BOMBO RADYO CAGAYAN DE ORO sa 245 ka blood bags, nga daku kaayo’g tabang sa mga partner bloodbanks sa sibyahan aron mahatagan sa suplay ang mga pasyenteng nanginahanglan.
Pinaagi sa bug-os nga pakig-uban sa Bombo Radyo Philippines Foundation, Inc., Philippine Red Cross, ug Department of Health, nakahipos ang network sa 4,657 ka blood bags, nga matandi sa 2,095,650 cc; 2,096 ka litro; ug 554 ka galon, nga maoy gihatag sa mga nagmalampusong donors
Ang Dugong Bombo: A Little Pain, A Life to Gain nagpabiling tinuig nga flagship project sa network, nga nagtumong sa pagtabang sa mga pasyente nga nag-atubang sa delikadong sakit, medical emergencies, ug panahon sa kalamidad nga nagkinahanglan sa hinanaling blood transfusion. Isip pasidungog sa ilang mahimayaong buhat, ang matag donor nakadawat sa limited-edition Dugong Bombo T-shirt, mainit nga pagkaon, snacks, bitamina, ug certificate of appreciation.
Sa ngalan sa Bombo Radyo Philippines, among ipadayag ang kinasingkasing nga pagpasalamat sa tanang blood donors, malampuson man o dili, lakip na ang among mga kauban, sponsors, ug masaligon nga supporters. Ang inyong kalooy, pagkamahinatagon, ug walay puas nga suporta nagtimaan sa hiniusang paningkamot nga makaluwas og daghang kinabuhi. Hangtud sa sunod Dugong Bombo, maghiusa ta sa pagsumpay sa daghang kinabuhi! BASTA RADYO BOMBO!!!
