Gitin-aw sa grupong Cagayan de Oro Evangelical Council, nga gilangkoban sa 55 ka mga simbahan sa Cagayan de Oro ug Misamis Oriental nga malinawong prayer rally ang ilang ipahigayon, sukwahi sa nanggawas nga impormasyon sa publiko sa umalabot Nobyembre 30.
Gitin-aw ni Jeff Baconga, usa sa mga pastor sa CDEO Evangelical Council nga ang panawagan sa ilang panagtapok kanunay nagtumong sa “peacefull rally” ug wala kini sagol nga kaguliyang.
Mipasidaan si Baconga sa mga tawong buot musaw-saw sa ilang peace rally nga magbantay kay pangayoon usab nila ang presensya sa kapulisan aron mahatagan sa seguridad ang ilang relihiyosong pagtapok.
Una niini, ang peace rally gitumong sa pagsalikway sa lapad nga kurapsyon sa managlahing ahensya sa gobyerno, kundiin, usa niini ang flood control corruption scandal sa DPWH.
