Gipanganti sa Philippine Movement for Climate Justice (PMCJ) Mindanao nga ipapanubag ang mga barangay LGUs kung nganong palpak ang ilang gitukod nga mga flood control projects sama sa Brgy Bugo, ug Iponan, nga gamay nga ulan, bahaon gihapon.
Kini ang gibutyag ni Pat Pangantihon sa PMCJ.
Sa interbyu sa BOMBO RADYO miingon si Pangantihon nga dili na angay nga hulaton pa sa dakbayan nga mahitabo ang ikaduhang Sendong aron lamang magmatngon.
Tungod niini, iyang gihangyo ang lokal nga pamunoan nga maghimo na sa klaro ug long-term flood preparedness plan aron malikayan ang dakong kadaut ug mas mapanalipdan ang mga residente batok sa posibleng kalamidad sa umaabot nga panahon.
Hisayran nga gawas sa duha ka barangay, bahaonon gihapon ang mga nag-unang dalan sa Kauswagan, Puntod, lakip na ang Brgy Camaman-an.
Co-writers: Bombo James Oliver
