Panahon na aron mubarog si Presidente Bongbong Marcos batok sa akusasyon sa iyang kamagulangan nga igsoon. Apelasyon kini ni Prof. Eric de Torres, usa ka political analyst human iyang namatikdan nga pulos paglikay ang buhat sa presidente ug ang iyang mga undersecretaries lamang ang gatubag sa mga personal nga alegasyon batok kaniya. Unang nabantayan sa propesor nga galikay si Marcos sa hair follicle test, ug galikay usab kini sa pagtubag direkta sa media nga siya dili usa ka adik. Maoy kanunay mugawas sa baba ni Marcos nga paglikay sa mga isyu nga dili importante alang kaniya kay kuno, dili kini makapalambo sa Pilipinas. Mahinumduman nga duha na ka adlaw nga pulos si Palace Press Officer Atty Claire Castro ang grabeng midupa sa presidente ug sa iyang pamilya.
Contributor: James Oliver
