Gisaad ni Presidential Sister ug Senador Imee Marcos nga proteksyonan ang mga personalidad nga mihatag kaniya sa ebidensya batok sa iyang rebelasyon sa Iglesia Ni Cristo (INC) Prayer Rally for Peace. Subay sa iyang social media post, mipadayag ang senador sa iyang determinasyon nga panalipdan ang mga tawong mitugyan kaniya sa mga ebidensya, sama sa litrato o video nga may kalabotan sa mga isyu nga iyang giyagyag batok sa First Family. Gibutyag sa senador nga angayan lang hatagan sa maong proteksyon ang mga whistleblower. Mahinumduman nga si Marcos mismo ang mibulgar nga dili lang si Presidente Bongbong Marcos ang gagamit sa ilegal nga druga sama sa cocaine apan lakip na ang kapikas niini nga si Liza Araneta ug ang anak nga si Congressman Sandro Marcos.
