25 ka tawo ang nakalas sa retaliatory attack sa Israeli Defense Force (IDF) sa mga lugar nga kontrolado pa sa Hamas Militants sa Gaza.
Namahayag ang Palestinian Medics nga napulo ka tawo ang napatay sa suburb sa Zetun; duha ang nakalas sa Eastern District, samtang ang labing daghang biktima nakit-an nga nagbuy-od sa kadalanan sa Kunis City.
Gikondinar sa Hamas ang maong pag-atake ug nanawagan sa Estados Unidos nga buhaton ang lakang aron pugngan ang Israel sa susamang mga lihok.
Inay mosuporta, mipagawas ang Amerika sa usa ka pahayag nga ang Hamas maoy unang nangatake sa mga tropa sa IDF sa utlanan tali sa Gaza ug Israel ug namatay ang ilang 3 ka sundalo.
Hisayran nga unom pa ka semana sukad napatuman ang ceasefire apan, gibuak kini sa mga militante.
