Dili magpaulahi ang grupo sa mga kabataan sa pagsalmot sa nagkaduol nga Trillion Peso March sa Bonifacio Day, sa Nobyembre 30. Namahayag ang Kabataan Partylist Northern Mindanao nga sa maong adlaw, ilang ipadayag sa tibook kalibutan ang ilang hugot nga kasuko tungod sa nag-init nga isyu sa korapsyon sa flood control projects sa nasud. Gibutyag ni Louie Ayade, miyembro sa maong grupo nga angayan bantayan sa publiko ang National Eexpenditure Program o NEP 2026 nga gisang-at na sa Kongreso ug hapit nang pirmahan sa Senado. Si Ayade miingon nga panahon na aron tutukan sa katawhan ang mga pork-driven projects nga nalakip sa budget nga giendorso gikan sa administrasyon ni President Ferdinand Marcos Jr..
