Nagatoo si Ceejay S. Bebis, secretary general sa National Union of Students of the Philippines, nga ang Independent Commission on Infrastructure makahatag lamang sa tinuod nga accountability ug hustisya kung transparent kini sa tanang proseso sa imbestigasyon ug ablihan sa publiko ang ilang mga lakang.
Gibutyag sa grupo nga tungod kay kwarta sa katawhan ang gikawatan, katungod sa publiko nga mahibal-an ang dagan sa imbestigasyon ug kung giunsa pagpanubag ang mga responsable sa grabeng korapsyon sa nasud.
Nagpahimangno si Bebis nga dili pasagdan ang kaso samtang daghang pangutana ang nanginahanglan sa klaro nga tubag gikan sa mga nagdumala sa proseso.
