Dili muminos sa 14 ka lawas sa tawo ang nabangalang patay sa nagpadayong sunog sa mga highrise building sa Tai Po district sa Hong Kong.
Subay sa inisyal nga report sa kapulisan, ang kalayo nagsumikad sa Wang Fuk Court housing estate ug paspas nga mikaylap tungod sa bamboo scaffolding ug construction mesh nga nagpalibot sa mga torre.
Daghang residente ang na-trap sa sulod samtang ang mga bombero nagkalisud sa pag-apular sa kalayo sa taas nga andana tungod sa kainit ug grabeng aso.
Gibana-bana sa 20 ka tawo ang nahatagan sa first aid sa medics tungod sa bun-og sa lawas ug pagkasunog sa pamanit.
WALA pay lead ang mga otoridad sa hinungdan sa insidente
