Kasado na ang ilusad nga Mindanao Kontra Kurapsyon Rally sa Gaston Park, sa adlaw’ng Sabado, Nobyembre 29 alas 8 hangtud sa alas 10 sa buntag. Namahayag si Nestor Banuag Jr., Director sa Social Involvement and Advocacy Program (SIAP) sa Xavier University, nga salmotan ang ilang lihok protesta sa daghang mga sektor sa katilingban. Sentro sa ilang panawagan ang tin-aw nga kabag-uhan ug reporma sa gobyerno aron malikayan na ang lapad nga kurapsyon. Gawas niini, gibutyag usab ni Banuag nga adunay grupo ang mulusad sa Black Friday Protest nga tambungan usab sa ilang pondok sa susamang lokasyon, ning adlawa. Gihangyo niini ang tanan mutambong nga musubay sa ilang mga gabayan aron mamintinar ang kalinaw samtang mulusad sa duha ka oras nga kalihukan.
