Gibasura sa lima ka naglangkob sa panel judges sa International Criminal Court/ICC ang hangyo nga interim release ni kanhi Pres Rodrigo Duterte.
Kini human nagkauyon ang ICC Appeals Chamber judges nga ipabilin sa kustodiya sa ilang pasilidad si Duterte samtang gitakdang himoon ang confirmation of charges batok kaniya sa dili madugay.
Mihimo sa sunod-sunod nga apelar ang legal team ni Duterte pinaagi kang Atty Nicholas Kauffman apan kulang kini aron makumbensir ang ICC judges nga mahatag ang gihangyo niini.
Una nang wala motunga si Duterte apan pinaagi lang kang Kauffman samtang gihimo ang pagtuki sa maong petisyon bag-uhay lang nga gitutukan sa minilyong Pilipinhon sa tibuok kalibutan ilabina dinhi sa Pilipinas.
Dumduman nga namagayag nang daan si Vice Pres Sara Duterte nga kung dili nila makuha ang pabor nga hukom sa ilang hangyo,magpadayon ang laing mga lakang-legal alagn sa hingpit nga paglinggawas ni Tatay Digong sa maong kaso.
Hisayrang nadala si Duterte sulod sa ICC gikan sa Pilipinas niadtong Marso 11 ning tuiga epekto sa pagtugot sa liderato ni Pres Bongbong Marcos kinsa makapila misaad atubangan sa katawhan nga dili motugot nga mapriso si Duterte didto sa Hague,Netherlands.
