Attensyon sa mga konsumante sa Water District!
Pormal nang gi-anunsyo sa Cagayan de Oro Water District (COWD) ang posibilidad sa usbaw sa singil sa minimum water rate sa ilang mga konsumante, samtang nagpadayon ang ilang assessment sa financial standing sa buhatan.
Sa interbyu sa Bombo Radyo, mipasabot si Director Gerry Caño, Chairman of the Board sa COWD, nga kapin 15 ka tuig na silang wala makapahamtang sa water rate increase, hinungdan nga mikunhod ang ilang kapasidad sa pagpadagan sa operasyon ug paghatag og mas lig-on nga serbisyo.
Gibutyag ni Caño nga magpulong ang COWD ug ang Local Water Utilities Administration (LWUA) aron tan-awon ang sentimyento sa publiko bahin sa maong plano.
Ipatuman ang public hearing karong December 11 ug 12 aron matun-an ang sugyot kung angayan na ba silang magpatuman sa pagtaas sa tingil sa tubig.
